Надвор'е на 7 студзеня: у Беларусі будзе да 19 градусаў марозу

У Калядную ноч у Беларусі чакаецца снег.

У панядзелак, 7 студзеня, у Беларусі будзе воблачнае з праясненнямі надвор'е. На паўднёвым усходзе краіны чакаецца невялікі снег, удзень істотных ападкаў не прагназуецца. Вецер будзе слабы і няўстойлівы, на дарогах чакаецца галалёдзіца, паведамляе Белгiдрамет.

Уначы на вуліцы будзе мінус 7-13 градусаў, падчас праясненняў слупок тэрмометра апусціцца да адзнакі 14-19 градусаў ніжэй за нуль. Удзень тэмпература паветра складзе 6-12 градусаў марозу.