У чым розніца паміж шампанскім і прасека

Шампанскае і пеністае віно - гэта не адно і тое ж.

Цягам года заўсёды знойдзецца падстава выпіць келіх шампанскага. Вядома, не ўсе пеністыя віны класіфікуюцца як шампанскае - і гэта толькі пачатак заблытанай тэрміналогіі. Каб дапамагчы вам выбраць прыдатную бутэльку пеністага напою, сайт Popsugar склаў спецыяльную інструкцыю, каб вы маглі адрозніць «ду» ад «кру», піша segodnya.ua.

• Пеністае віно: універсальны тэрмін, які выкарыстоўваецца для абазначэння ўсякага пеністага віна без асаблівай рэгіянальнай прыналежнасці.

• Шампанскае: пеністае віно, вырабленае ў аднайменным французскім рэгіёне. Вызначэнне «Шампанскае» было абароненае Версальскай дамовай, але, паколькі некаторыя краіны ніколі афіцыйна не падпісвалі яе, шматлікія вытворцы таксама выкарыстоўваюць тэрмін «Шампанскае».

• Кава: Гэта гішпанскае пеністае віно было названае ў гонар склепаў, у якіх яно вырабляецца.

• Прасека: пеністае віно, выпушчанае ў Італіі, у асноўным у рэгіёне Венета.

• Брут: сухі гатунак пеністага віна, самы распаўсюджаны.

• Экстра брут: самы сухі з сухіх. Яго яшчэ называюць «брут саваж».

• Вельмі сухое: гэта нешта сярэдняе паміж салодкім і сухім пеністых віном. Не блытаць з «экстра брут».

• Дэмі-сек: Трохі саладзейшы, чым сек, але не такі салодкі, як ду.

• Ду: Вельмі салодкае пеністае, звычайна падаецца як дэсертнае.

• Sec: напаўсалодкае пеністае віно.

• Нон вінтаж: пеністае віно, вырабленае з сумесі шматгадовых гатункаў вінаграду. Пазначаецца абрэвіятурай «NV».

• Вінтаж: пеністае віно, вырабленае з ўраджаю пэўнага года.

• Гранд кру: віно з вінаграднікаў самай высокай якасці.

• Кюве: Крыху недакладны тэрмін, які паказвае, што бутэлька паходзіць ад сумесі вінаў, якія часта захоўваюцца ў сакрэце вінаробам.