Кіраўнікі камітэтаў кангрэса ЗША аспрэчылі зняцце санкцый з Дзерыпаскі

Кангрэсмэны накіравалі патрабаванне аб захаванні санкцый у Мінфін ЗША.

Чальцы палаты прадстаўнікоў кангрэса ЗША ад Дэмакратычнай партыі, узначалілі камітэты палаты пасля перамогі на выбарах восенню 2018 года, запатрабавалі ад міністра фінансаў ЗША Стывена Мнучына адкласці зняцце санкцый з кампаній расейскага мільярдэра Алега Дзерыпаскі, паведамляе РБК.

Ліст Мнучыну падпісалі сем старшыняў камітэтаў, ён апублікаваны на старонцы камітэта замежных спраў кангрэсу ЗША.

«Мы патрабуем, каб вы сустрэліся з зацікаўленымі чальцамі палаты прадстаўнікоў на ўмовах, якія дазволяць у поўным аб'ёме абмеркаваць усе аспекты гэтага пагаднення, скасаванне санкцый і ўплыў, які гэтыя пастановы зробяць на высілкі ЗША перашкодзіць шкоднай актыўнасці Расеі, накіраванай супраць нашай краіны», - гаворыцца ў лісце.

Кангрэсмэны адзначылі, што паведамленне было накіраванае ў палату перад доўгім перапынкам у працы, падчас якога пачаўся шатдаўн федэральных устаноў, што ўскладніла заканчэнне разгляду гэтага пытання цягам 30-дзённага перыяду, прадугледжанага законам «Аб супрацьдзеянні супрраціўніка Амерыкі праз санкцыі».

У лісце таксама адзначаецца, што пагадненне аб умовах скасавання санкцый супраць кампаній Дзерыпаскі Rusal, EN+ і «Еўрасібэнэрга» прадугледжвае, што ў яго валоданні нават пасля выканання ўмоў пагаднення застанецца значная дзель гэтых кампаній. Дзерыпаска пазбавіцца толькі ад некаторай часткі акцый, якая, магчыма, пяройдзе ва ўласнасць «звязанага з Крамлём і які знаходзіцца пад санкцыямі банка ВТБ», адзначылі аўтары паслання.

У сярэдзіне снежня 2018 года ўправа замежных інвестыцыях (OFAC) Мінфіна ЗША накіравала ў кангрэс прапанову аб скасаванні санкцый супраць падкантрольных Дзерыпаску Rusal, En+ і «Еўрасібэнэрга». Гэта павінна быць зроблена праз 30 дзён, калі кангрэс не заблакуе пастанову. У Мінфіне тады папярэдзілі, што супраць пастановы могуць выступіць дэмакраты.

У верхняй палаце - Сэнаце - таксама рыхтуецца рэзалюцыя, якая павінна перашкодзіць зняццю санкцый з кампаній Дзерыпаскі. Рэспубліканцы захавалі ў Сэнаце большасць, аднак лідар меншасці Чак Шумер заявіў, што зрабіў захады для захавання «працэдурнай магчымасці» ўнясення такой рэзалюцыі.