Заўтра ў Беларусі чакаецца да -21°С
2- 9.01.2019, 18:52
- 16,880
У ноч з серады на чацвер беларусаў чакае сапраўдны мароз.
Тэмпература паветра пры праясненнях складзе 16-21 градус ніжэй за нуль. Пра гэта паведамляе Белгідрамет Мінпрыроды.
У чацвер - воблачна з праясненнямі. Месцамі невялікі снег, на асобных участках дарог галалёдзіца. Вецер усходні, паўночна-ўсходні, 3-8 метраў у секунду. Тэмпература паветра мінімальная ўначы -9... 15°С, пры праясненнях -16... 21°С, максімальная тэмпература ўдзень -7 ... 13°С.
МНС у моцныя маразы просіць захоўваць наступныя рэкамендацыі:
Па магчымасці не выходзіць на вуліцу ці абмежаваць час знаходжання на адкрытым паветры.
Апранацца трэба шматслойна, замест пальчатак насіць рукавіцы, выбіраць абутак на тоўстай падэшве.
Шчыльным шалікам можна прыкрываць нос і рот.
Не ўжывайце алкаголь і не паліце.
Перад выхадам на вуліцу нашмараваць тлустым крэмам не закрытыя адзеннем участкі цела.
З улікам складаных умоў надвор'я ДАІ рэкамендуе кіроўцам падрыхтаваць аўтамабілі да маразоў.
Перад паездкай варта загадзя праверыць тэхнічны стан аўтамабіля: у першую чаргу праверыць стан акумулятара, на працу якога негатыўна ўплывае мароз.
Таксама ў зімовы час варта карыстацца толькі якаснай шкламыйнай вадкасцю, якая не замярзае пры нізкіх тэмпературах.
Калі вас чакае далёкая паездка, не забудзьцеся ўзяць з сабой цёплыя рэчы і прадметы, якія змогуць дапамагчы вам у выпадках няспраўнасці аўтамабіля (трос, рыдлёўка, драты для «прыкурвання» аўтамабіля).
Каб не патрапіць у аварыю, варта строга выконваць правілы дарожнага руху і ўважліва ацэньваць метэаралагічныя ўмовы і стан дарожнага пакрыцця.
Нагадаем, што ўжо ў выхадныя дні ўмовы надвор'я на тэрыторыі Беларусі будуць вызначаць франтальныя раздзелы, якія рухаюцца з Заходняй Еўропы, якія прынясуць ападкі, і маразы аслабеюць.