Два беларускія стартапы названыя самымі інавацыйнымі на выставе ў Лас-Вегасе
- 9.01.2019, 20:19
- 11,174
Беларусаў адзначылі на найбуйнейшай выставе спажывецкай электронікі ў свеце.
Два беларускія стартапы атрымалі званне Innovation Awards на найбуйнейшай тэхналагічнай выставе CES, якая праходзіць у Лас-Вегасе.
Пра гэта паведамляецца на сайце ПВТ.
Разумны касцюм Teslasuit быў прызнаны самым інавацыйным прадуктам у катэгорыі віртуальнай і дапоўненай рэальнасці. Сэрвіс маніторынгу жаночага здароўя Flo выйграў у намінацыі «Праграмнае забеспячэнне і мабільныя дадаткі».
Гендырэктар Flo Дзмітрый Гурскі, каментуючы перамогу, прызнаўся, што вельмі шчаслівы атрымаць такое прызнанне. «CES - адно з самых яркіх прафесійных мерапрыемстваў, якое аб'ядноўвае найлепшыя розумы і ідэі тэхналагічнай індустрыі», - дадаў ён.
CES - гэта найбуйнейшая выстава спажывецкай электронікі ў свеце.