Трамп: У ЗША ёсць узбраенне, якое ніхто нават уявіць сабе не можа
38- 10.10.2019, 9:10
- 14,175
Не ўсе распрацаваныя Злучанымі Штатамі тэхналогіі дэманструюцца.
У Злучаных Штатаў ёсць сучасная зброя, пра якую мала хто ведае. Пра гэта прэзідэнт ЗША Дональд Трамп заявіў 7 кастрычніка на адной з сустрэчаў, стэнаграму якой апублікавалі на сайце Белага дому, паведамляе gordonua.com.
"У нас цяпер распрацоўваецца неверагодная новая зброя. У нас ёсць зброя, у якую ніхто не можа паверыць... Некаторую мы паказваем, некаторую мы не паказваем", – сказаў Трамп.
Ён таксама адзначыў, што ЗША аднавілі сваё ядзернае ўзбраенне, а таксама будуюць падводныя лодкі, "пра якія ніхто не мог нават падумаць".
"Спадзяемся на Бога, што нам ніколі не давядзецца іх выкарыстоўваць", – падкрэсліў кіраўнік Белага дому.
У 2018 году ЗША выдаткавалі на вайсковыя патрэбы $ 643,3 млрд.