Зяленскі: Нармандскі фармат - гэта магчымасць вяртання пытання Крыма

Зараз гэты «трэк» існуе толькі ў санкцыйным фармаце з боку заходніх партнёраў Украіны.

Сустрэча ў нармандскага фармаце - гэта магчымасць вяртання пытання Крыма на абмеркаванне, заявіў прэзідэнт Украіны Уладзімір Зяленскі на прэс-марафоне 10 кастрычніка, піша карэспандэнт gordonua.com.

"Што да Крыму, вы ведаеце выдатна. На жаль, на жаль... І мы неаднаразова сустракаліся са спецыялістамі, і з людзьмі, якія былі ў менскім працэсе і з самага пачатку, і цяпер, і з нашым Міністэрствам замежных спраў... І я ўвесь час уздымаў пытанне: чаму ў Менску не абмяркоўваецца Крым? Не абмяркоўваецца. Чаму ў нармандскім фармаце не абмяркоўваецца? Для мяне нармандскі фармат - гэта яшчэ і магчымасць вяртання пытання Крыма. Проста вяртання яго хоць бы ў абмеркаванне. Таму што цяпер не існуе якога-небудзь трэка, дзе б абмяркоўваў я гэтае пытанне. Акрамя нашых заходніх партнёраў... Пытанне Крыма там ёсць у санкцыйным фармаце. Пакуль што толькі так", - сказаў прэзідэнт Украіны.

У 2014 годзе, адразу пасля анэксіі Крыма, на ўсходзе Украіны Расея пачала ўзброеную агрэсію. Баявыя дзеянні вядуцца паміж Узброенымі сіламі Украіны з аднаго боку і расейскім войскам і баевікамі, якіх падтрымлівае Расея, якія кантралююць частку Данецкай і Луганскай абласцей, з другога. Афіцыйна РФ не прызнае свайго ўварвання ва Украіну, нягледзячы на пададзеныя Украінай факты і довады.

Перамовы аб урэгуляванні канфлікту на Данбасе вядуцца ў трохбаковай кантактнай групе ў Менску (Украіна, Расея, АБСЕ), а таксама ў нармандскім фармаце - з удзелам прадстаўнікоў Украіны, Францыі, Нямеччыны і Расеі. Кіраўнікі дзяржаў нармандскага фармату сустракаліся апошні раз 19 кастрычніка 2016 года ў Бэрліне.

6 кастрычніка 2019 года памочнік прэзідэнта РФ Уладзіміра Пуціна Юрый Ушакоў пасля ўзгаднення трохбаковай кантактнай групай урэгулявання канфлікту на Данбасе "формулы Штайнмаера" заявіў, што шанцы на правядзенне сустрэчы лідараў краін "Нармандскай чацвёркі" растуць.

Зяленскі распавядаў, што пункты "формулы Штайнмаера" ў тым, што закон аб адмысловым статусе асобных раёнаў Данецкай і Луганскай абласцей пачне дзейнічаць пры ўмове правядзення ў гэтых раёнах мясцовых выбараў згодна з заканадаўствам Украіны і пасля публікацыі справаздачы АБСЕ аб адпаведнасці выбараў стандартам арганізацыі.

"Ніякіх выбараў пад рулямі кулямётаў не будзе і не можа быць", - падкрэсліваў Зяленскі. Ён адзначаў, што ліквідавана апошняя перашкода на шляху правядзення саміту "Нармандскай чацвёркі".

7 кастрычніка міністр замежных спраў Украіны Вадзім Прыстайка заявіў, што РФ не зацікаўленая ў сустрэчы лідараў нармандскага фармату і шукае падставы, каб не праводзіць яе.

Дата сустрэчы пакуль не вызначана. 10 кастрычніка Зяленскі паведаміў, што гаварыў з канцлеркай Нямеччыны Ангелай Мэркель і тая запэўніла яго, што неўзабаве абмяркуе дату нармандскага саміту з французскай стараной.