Нобелеўскую прэмію ў літаратуры атрымалі пісьменнікі з Польшчы ды Аўстрыі
- 10.10.2019, 14:24
- 7,051
Гэтым разам прэмію ўручылі адразу за два гады.
Пасля перапынку на адзін год Нобелеўскі камітэт назваў адразу двух лаўрэатаў прэміі ў галіне літаратуры. Узнагарода за 2018 год будзе ўручаная польскай пісьменніцы Вользе Такарчук, за 2019 год - аўстрыйцу Петэру Хандке. Пра гэта ў чацвер, 10 кастрычніка, заявіў Нобелеўскі камітэт у Стакгольме, паведамляе «Нямецкая хваля».
BREAKING NEWS:
— The Nobel Prize (@NobelPrize) October 10, 2019
The Nobel Prize in Literature for 2018 is awarded to the Polish author Olga Tokarczuk. The Nobel Prize in Literature for 2019 is awarded to the Austrian author Peter Handke.#NobelPrize pic.twitter.com/CeKNz1oTSB
З 1901 да 2017 года лаўрэатамі Нобелеўскай прэміі ў літаратуры сталі агулам 114 чалавек. У папярэдні раз узнагарода не ўручалася падчас Другой сусветнай вайны. У 2017 годзе найважнейшай міжнароднай прэміі ў галіне літаратуры ўганараваны брытанскі пісьменнік японскага паходжання Ісігура Кадзуа, годам раней - амерыканскі аўтар і выканаўца Боб Дылан. У 2015 годзе Нобелеўскую прэмію атрымала беларуская пісьменніца Святлана Алексіевіч.