Паляўнічы за скарбамі з Англіі знайшоў рэдкі дагістарычны скарб

З дапамогай металашукальніка ангелец здолеў знайсці больш за 300 грам чыстага золата.

Жыхар ангельскага горада Уайтхейвен, графства Камбрэ, знайшоў з дапамогай металашукальніка залатое ўпрыгожванне часоў бронзавага веку. Пра гэта паведамляе выданне Daily Mail (пераклад - lenta.ru).

54-гадовы Білі Ваган (Billy Vaughan) узгадвае, як прачэсваў з металашукальнікам поле і пачуў магутны сігнал. «На глыбіні блізу 13 сантыметраў я знайшоў нейкі прадмет, - распавядае брытанец. - Спачатку я падумаў, што гэта частка альпінісцкага рыштунку або дэталь ад трактара. Ніколі б не падумаў, што гэта золата».

Паляўнічы за скарбамі прадаўжаў пошукі яшчэ паўтары гадзіны, пасля чаго адправіў фатаграфію скарбу калегу. Спецыяліст апазнаў у ім шыйную грыўню (торквес) - аздоба з золата, якую багатыя людзі насілі для дэманстрацыі дастатку. Паводле папярэдніх падлікаў, ювелірнаму вырабу на 22 караты амаль чатыры тысячы гадоў.

Воган паказаў каштоўнасць ювеліру, які ацаніў 312 грамаў чыстага золата на 11 тысяч фунтаў стэрлінгаў. Аднак шыйная грыўна каштуе значна даражэй за кошт яе гістарычнай каштоўнасці.

Брытанец паведаміў аб шыйнай грыўні прадстаўнікам мясцовага музея і ацэншчыку знаходак. Цяпер спецыялісты высвятляюць, ці ўважаецца знойдзенае ўпрыгожванне за скарб. Калі скарб прызнаюць такім, Воган будзе абавязаны прадаць знаходку ў музей коштам, які ўстановіць Камітэт ацэнкі скарбаў (Treasure Valuation Committee).