У нядзелю будзе да +21°С

Сіноптыкі зрабілі прагноз надвор'я на найбліжэйшыя некалькі дзён.

13 кастрычніка краіна будзе знаходзіцца пад уплывам цёплых няўстойлівых паветраных мас, якія перамяшчаюцца з тэрыторыі Польшчы, піша Гідрамет. Будзе воблачна з праясненнямі. Месцамі пройдуць кароткачасовыя дажджы. Вецер паўднёва-заходні парывісты, уначы ў асобных раёнах на паўночным усходзе краіны моцны парывісты. Тэмпература паветра мінімальная ўначы +7.. +12°С, максімальная ўдзень +12.. +19°С, на поўдні да +21°С.

14 кастрычніка працягнецца вынас вельмі цёплых паветраных мас з паўднёвага захаду Еўропы, толькі на поўначы рэспублікі адаб'ецца ўплыў малаактыўнага атмасфернага фронту. Пераменная воблачнасць. Пераважна без ападкаў, толькі месцамі па Віцебскай вобласці магчымыя невялікія кароткачасовыя дажджы. Вецер паўднёва-заходні парывісты, удзень у асобных раёнах на поўначы краіны моцны парывісты. Тэмпература паветра мінімальная ўначы +7.. +12°С, максімальная ўдзень ад +17°С на поўначы да +24°С на поўдні краіны.