СМІ: Курды адкрылі ўсе блокпасты для прасоўвання сірыйскай арміі
7- 14.10.2019, 12:48
- 15,819
Пачаты супольныя дзеянні ў адказ на турэцкую аперацыю «Крыніца міру».
Курды дамовіліся з урадам Сірыі пра супольнае супрацьстаянне турэцкай ваеннай аперацыі «Крыніца міру». Пра гэта паведамляе «Аль-Джазіра» са спасылкай на заяву курдскай аўтаномнай адміністрацыі (пераклад – meduza.io).
Агенцтва SANA піша, што ўрад Сірыі накіраваў войскі на поўнач краіны, каб «супрацьстаяць турэцкай агрэсіі». Ліванскі тэлеканал «Аль-Маядзін» са спасылкай на курдскую крыніцу паведамляе, што курды адкрылі ўсе блокпасты для прасоўвання сірыйскай арміі.
Паводле інфармацыі Reuters, курды дасягнулі пагаднення з урадам Сірыі на перамовах, якія прайшлі пры падтрымцы Расеі.
9 кастрычніка Турцыя пачала ў Сірыі ваенную аперацыю «Крыніца міру», накіраваную супраць курдскіх атрадаў народнай самаабароны. Турэцкія ўлады ўважаюць курдаў тэрарыстамі.
Турэцкае ўварванне асудзілі ЗША, якія мяркуюцца хаўруснікамі курдаў, Еўразвяз і некаторыя арабскія краіны.
З пачатку ваеннай аперацыі турэцкія вайскоўцы ўзялі ў палон ці забілі блізу 500 чалавек. Па абодва бакі мяжы загінулі блізу 50 мірных жыхароў.