12 снежня 2019, Чацвер, 6:01
Засталося зусім крыху
Рубрыкі

Дзяніс Івашын: «Гібрыдная вайна» Расеі з Беларуссю ўжо ідзе

35
Дзяніс Івашын: «Гібрыдная вайна» Расеі з Беларуссю ўжо ідзе
ДЗЯНІС ІВАШЫН

РФ прапануе фінансавую падтрымку рэжыму Лукашэнкі выключна за інтэграцыйныя інтэнцыі.

Журналіст, рэдактар беларускай службы «ИнформНапалм» Дзяніс Івашын падчас выступу на сойме Руху Салідарнасці «Разам» заявіў, што «гібрыдная вайна» Расеі з Беларуссю мае некалькі прычын, паведамляе «Радыё Рацыя».

- Расейская Федэрацыя, напрыклад, прапануе фінансавую падтрымку рэжыму Лукашэнкі выключна за інтэграцыйныя інтэнцыі, гэта значыць, калі ён пагодзіцца на інкарпарацыю ў «саюзную дзяржаву», і толькі тады ён атрымае фінансаванне сваёй абсалютна нежыццяздольнай эканамічнай мадэлі.

Журналіст падкрэслівае, што вакол Беларусі расейцы таксама збіраюць вайсковыя часткі.

- Перш за ўсё, гэта датычыцца створанай Расейскай Федэрацыяй ударна-наступальнай лініі, якая пачынаецца ад Новачаркаска Растоўскай вобласці і цягнецца аж да Ельні Смаленскай вобласці. Што да Беларусі, то нас вядома цікавіць частка, якая мяжуе з тэрыторыяй Бранскай і Смаленскай абласцей, новаствораная 144-я мотастралковая дывізія. Яна ўжо цалкам укамплектаваная. Там ужо стаяць напагатове падраздзяленні, прычым, досыць шматлікім падраздзяленням нададзенае найменне «ўдарныя».

Журналіст падкрэслівае, што першыя выпрабаванні «гібрыднай вайны» Расеі адбыліся падчас вайны ў Чачэніі і ў іншых такіх канфліктах, і «гібрыдная вайна» ідзе з Беларуссю ўжо некалькі месяцаў.