У пошце кансультанта адміністрацыі Пуціна знайшлі «план барацьбы з Навальным»

Ён уключаў правакацыю супраць фонду расейскага апазіцыянера.

Шэраг лістоў з узламанай перапіскі Канстанціна Косціна і ягоных супрацоўнікаў паказваюць на тое, што ён у апошнія гады распрацоўваў для Адміністрацыі прэзідэнта РФ план ціску на Аляксея Навальнага і ягоных паплечнікаў, часткай гэтага плана была менавіта правакацыя з ахвяраваннямі. Канстанцін Косцін, які ў 2011-2012 гадах працаваў ва Управе ўнутранай палітыкі Адміністрацыі прэзідэнта, цяпер абслугоўвае гэтую ўправу ўжо як «аналітык». Афіцыйна ён прадстаўляе сябе кіраўніком арганізацыі з самаіранічнай назвай «Фонд развіцця грамадзянскай супольнасці». Ягоная пошта была нядаўна ўзламаная і выстаўленая на аўкцыён. Telegram-канал Black Mirror, які паведаміў аб узломе і продажы пошты, прадставіў The Insider некалькі лістоў. У лістах таксама ёсць укладанні, копіі якіх маюцца ў распараджэнні рэдакцыі.

У адным з лістоў ад 11 жніўня 2017 года сакратарка Косціна дасылае яму «даведку», дзе дае справаздачу аб арганізацыі пазову супраць Волкава, пададзенага пад выглядам абуранага ахвярадаўцы сродкаў, да ліста прыкладаецца копія пазову:

ДАВЕДКА

У пазове да Волкава і Навальнага аб спагнанні ахвяраванняў на «прэзідэнцкую» кампанію

У жніўні 2017 года ад імя Кастэнкі Міхаіла Мікалаевіча было ажыццёўленае ахвяраванне на банкаўскі рахунак Волкава Л.М. (Паказаны на сайце Навальнага як рахунак для збору ахвяраванняў) на суму 50 100 рублёў.

У кастрычніку пададзены пазоў аб спагнанні ахвяравання на суму 50 100 рублёў у Савелаўскі раённы суд Масквы.

Пазоў матываваны тым, што Навальны і Волкаў утаілі ад ахвярадаўцаў той факт, што Навальны не мае права балатавацца ў прэзідэнты і грошы збіраюцца на супрацьпраўную мэта. Адпаведна, дамова ахвяравання з'яўляецца несапраўднай, а грошы падлягаюць вяртанню.

Справа №2 - 6315/2017 знаходзіцца ў вытворчасці суддзі Івановай О.А., папярэдняе паседжанне прызначанае на 2017.11.17 на 10 гадзін.