Ізраіль ударыў па Сірыі, скарыстаўшыся нападам Турцыі
- 16.10.2019, 14:09
- 10,802
ЦАХАЛ нанёс авіяўдары па цэлях, звязаных з Корпусам вартавых ісламскай рэвалюцыі.
Ізраільская авіяцыя скарысталася пачаткам турэцкай ваеннай аперацыі супраць сіл сірыйскіх курдаў і ўтойліва нанесла ўдары па тэрыторыі Сірыі.
Пра гэта паведаміў журналіст Бабак Тагвей на сваёй старонцы ў Twitter, паведамляе УНІАН.
«Хаос на паўночным усходзе Сірыі даў ВПС Ізраіля выдатную магчымасць для таемных авіяўдараў па цэлях, звязаных з Корпусам вартавых ісламскай рэвалюцыі ў Сірыі. Мінулай ноччу ВПС Ізраіля ўдарылі па лагеры звязаных з КВІР сіл у Абу-Камале побач з іракскай мяжой», - напісаў ён.
#BREAKING: The Chaos in NE #Syria provides best opportunity for #Israel Air Force to secretly carry-out airstrikes against #IRGC related targets in #Syria. Last night, #Israel Air Force bombed a camp in use by #IRGC-QF proxies in Abu Kamal near the border with #Iraq. pic.twitter.com/ESXv4tIMuU
— Babak Taghvaee (@BabakTaghvaee) 16 октября 2019 г.
Як паведамляў УНІАН, 9 кастрычніка Турцыя пачала ў Сірыі аперацыю «Крыніца міру» супраць сіл сірыйскіх курдаў, якіх Анкара ўважае за хаўруснікаў забароненай у Турцыі Курдскай працоўнай партыі (КПП).
За два дні да гэтага ЗША абвясцілі пра вывад сваіх вайскоўцаў з прымежных раёнаў Турцыі і Сірыі, тым самым адкрыўшы Анкары шлях да наступу. Прэзідэнт Турцыі Раджэп Таіп Эрдаган заявіў, што мэта наступу - стварыць «бяспечную зону», а яго мэта - «курдскія баевікі» і чальцы групоўкі «Ісламская дзяржава» на поўначы Сірыі.
Рада бяспекі ААН на пасяджэнні 10 кастрычніка не змагла прыняць ніводнай пастановы аб наступе Турцыі на тэрыторыі Сірыі. Пяць еўрапейскіх краін пазней заклікалі Турцыю спыніць аднабаковыя ваенныя дзеянні.
Раней паведамлялася, што краіны-сябры Еўразвязу прыпынілі экспарт зброі ў Турцыю праз ваенны наступу гэтай краіны на пазіцыі курдаў у Сірыі.
