Томас Балкус: Літва забяспечыла размяшчэнне ў сябе батальёна ЗША з «Абрамсамі»
10- 16.10.2019, 15:11
- 8,066
Літоўскі бок змог сфармаваць неабходную інфраструктуру.
На гэтым тыдні ў Літву прыбыў батальён войска ЗША, які дыслакуецца ў Літве для вучэнняў з літоўскімі і хаўруснымі войскамі. У складзе батальёна больш за 500 жаўнераў, амаль 30 танкаў «Абрамс», больш за 20 баявых машын пяхоты «Брэдлі» і іншыя тыпы вайсковага транспарту. Батальён разам з вайсковай тэхнікай будзе разгорнуты на палігоне ім. генерала Жукаўскаса ў Пабрадзе - прыблізна ў 10 км ад беларускай мяжы.
Прэс-сакратар міністэрства абароны Літвы Томас Балкус распавёў парталу Charter97.org, што Літва забяспечыць поўную падтрымку амерыканскаму батальёну - літоўскі бок забяспечыць пражыванне, матэрыяльна-тэхнічнае забеспячэнне і доступ да інфраструктуры.
Міністэрства абароны адзначае, што сілы ЗША - гэта сур'ёзны фактар стрымлівання, які спрыяе намаганням NATO ў Балтыйскім рэгіёне. Жаўнеры войска ЗША застануцца ў Літве да вясны 2020 года. Літоўскае абароннае міністэрства адзначыла, што гэта стала магчымым дзякуючы інвестыцыям Літвы ў матэрыяльна-тэхнічнае забеспячэнне ўзброеных сіл.
15 кастрычніка на прэс-канферэнцыі прэзідэнт Літвы Гітанас Наўседа заявіў, што мэта Літвы - дамагчыся сталай прысутнасці амерыканскіх вайскоўцаў. У якасці прыкладу Наўседа прывёў Польшчу, якой удалося дамагчыся прысутнасці вайскоўцаў з ЗША на сталай аснове.
Раней амерыканскія вайскоўцы ўдзельнічалі ў вучэннях на тэрыторыі Літвы, але не заставаліся на доўгі тэрмін.
З 2017 года ў Літве дыслакаваны міжнародны батальён NATO. Пастанова аб размяшчэнні міжнародных батальёнаў была прынятая на саміце NATO ў Варшаве летам 2016 года. Разгортванне батальёнаў NATO ў Літве, Латвіі, Эстоніі і Польшчы стала адказам Альянсу на агрэсіўныя дзеянні Расеі ва Украіне, а таксама на дэманстрацыю вайсковай моцы ў рэгіёне.
Таксама сачыце за акаўнтамі Charter97.org у сацыяльных сетках
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
