12 снежня 2019, Чацвер, 19:15
Засталося зусім крыху
Рубрыкі

Якім будзе надвор'е да канца працоўнага тыдня

Якім будзе надвор'е да канца працоўнага тыдня

Прагноз надвор'я па Беларусі на 17 - 19 кастрычніка.

17 кастрычніка варункі надвор'я ўначы і раніцай у Беларусі будзе вызначаць малаактыўны франтальны раздзел, удзень у асноўным вобласць павышанага атмасфернага ціску. Чакаецца пераменная воблачнасць, піша Гідрамет.

Уначы месцамі, удзень на поўначы рэспублікі невялікія кароткачасовыя дажджы. Вецер паўднёва-заходні сярэдні, удзень у асобных раёнах парывісты. Тэмпература паветра мінімальная ўначы +6..+12°С, максімальная ўдзень +13..+19°С, на паўднёвым усходзе +20..+22°С. Атмасферны ціск уначы істотна не зменіцца, удзень будзе расці.

18 кастрычніка вялікая частка рэспублікі будзе знаходзіцца ў вобласці павышанага атмасфернага ціску, толькі паўночныя раёны застануцца пад уплывам малаактыўнага франтальнага падзелу. Будзе воблачна з прасвятленнямі. Пераважна без ападкаў, толькі месцамі на поўначы краіны пройдуць кароткачасовыя дажджы. Уначы і раніцай у асобных раёнах туман. Вецер паўднёва-заходні сярэдні. Тэмпература паветра мінімальная ўначы +4..+11°С, максімальная ўдзень +12..+18°С, на поўдні да +20°С.

19 кастрычніка надвор'е ў краіне будзе вызначаць вобласць павышанага атмасфернага ціску. Чакаецца пераменная воблачнасць. Пераважна без ападкаў. Уначы і раніцай у асобных раёнах туман. Вецер паўднёвы, паўднёва-ўсходні сярэдні. Тэмпература паветра мінімальная ўначы +5..+12°С, максімальная ўдзень +14..+21°С.