Некаторыя жыхары Літвы будуць атрымліваць лекі бясплатна

Новы парадак тычыцца сацыяльна-неабароненых групаў насельніцтва.

За такія папраўкі ў Парламенце Літвы 17 кастрычніка прагаласавалі 97 дэпутатаў, 1 устрымаўся, піша delfi.lt.

Кансерватар Мікалас Маяускас падтрымаў гэтую ініцыятыву, аднак сумняваўся ў тым, што ў фармацэўтаў не ўзнікнуць праблемы.

«Магу запэўніць, што тут ні фармацэўтам, ні лекарам нічога рабіць не трэба. Мы вынеслі ўрокі з сітуацый, калі пастановы залежалі ад лекараў ці фармацэўтаў. Электронныя сістэмы ўзаемазвязаныя, будзе праходзіць аўтаматычны абмен звесткамі. Калі чалавеку прызначаць лекі, ён проста прыйдзе ў аптэку, і фармацэўт будзе бачыць, што грошы з гэтага чалавека не трэба браць», – сказаў кіраўнік Міністэрства аховы здароўя Аўрэліюс Вярыга.