Віцэ-прэзідэнт федэрацыі Паўднёвай Карэі пра матч з КНДР: Гэта было падобна на вайну
2- 17.10.2019, 19:32
- 15,584
Суседнія краіны правялі першы матч на тэрыторыі КНДР з 1990 года.
Віцэ-прэзідэнт федэрацыі футбола Паўднёвай Карэі Чой Ен Ір падзяліўся ўражаннямі ад матчу кваліфікацыі ЧС-2022 супраць КНДР (0:0) у Пхеньяне, паведамляе «Трибуна».
«Гэта было падобна на вайну. Да сённяшняга дня я ніколі не бачыў такога ўзроўню агрэсіі ў футбольным матчы.
Паўночнакарэйцы нават не глядзелі ў вочы, калі я спрабаваў з імі размаўляць, не кажучы ўжо пра адказы», - сказаў чыноўнік.
Great to be there and cheer on the #interKorean #soccer game tonight. Guards salute as the #DPRK national anthem plays. Players high five 🖐 opposing teams! pic.twitter.com/WX5VyHsTHy
— Joachim Bergström (@jchmbrgstrm) 15 октября 2019 г.
Трансляцыя матчу паміж Паўночнай Карэяй і Паўднёвай не вялася, на гульню не былі дапушчаныя паўднёвакарэйскія заўзятары і замежныя СМІ.
Матч прайшоў без гледачоў. Карэйская футбольная асацыяцыя атрымлівала інфармацыю аб ходзе гульні ад дэлегата Азіяцкай канфедэрацыі футбола, які адпраўляў паведамленні і фота са свайго мабільнага тэлефона.
Гэта быў першы матч паміж суседнімі краінамі на тэрыторыі КНДР з 1990 года.