6 снежня 2019, Пятніца, 20:59
Засталося зусім крыху
Рубрыкі

СМІ: Лукашэнку прысвоілі «пасмяротнае званне»

9
СМІ: Лукашэнку прысвоілі «пасмяротнае званне»
Фота: gpk.gov.by

Прааналізаваная статыстыка за 10 гадоў.

Званне «ганаровага памежніка СНД», атрыманае Лукашэнкам, некаторым прысвойвалі пасмяротна, піша «Салідарнасць».

Узнагарода «Ганаровы памежнік Садружнасці Незалежных Дзяржаў» з'явілася ў 2007 годзе.

Цікава, што за 10 гадоў некалькіх чалавек узнагародзілі пасмяротна. Напрыклад, кіраўніка Памежных войскаў КДБ СССР (1989-1991) Іллю Калінічэнку.

Ганаровым памежнікам СНД пасмяротна стаў і Уладзімір Шляхцін - першы камандуючы памежнымі войскамі Расеі. Ён пазбавіўся сваёй пасады пасля трагедыі 13 ліпеня 1993 года на 12-й памежнай заставе «Сарыгоры» Маскоўскага памежнага атрада групы Памежных войскаў Расеі ў Таджыкістане. У той дзень загінулі 22 памежнікі і тры вайскоўцы 201-й мотастралковай дывізіі.

Ёсць сярод ганаровых памежнікаў СНД і прадстаўнікі Беларусі. Сярод іх - Аляксандр Паўлоўскі, экс-кіраўнік Дзяржаўнага камітэту памежных войскаў.