«Марш свабоды»: у Каталоніі праходзяць усеагульны страйк і масавыя дэманстрацыі
3- 18.10.2019, 15:17
- 9,846
Жыхары сцягваюцца ў сталіцу рэгіёну з пяці розных кірункаў.
У Каталоніі сёння праходзіць усеагульны страйк пратэсту супраць прысуду гішпанскага суда, які адправіў дзевяць былых чальцоў кіраўніцтва рэгіёну за краты паводле абвінавачванняў у падбухторванні да мяцяжу ў сувязі з не прызнаным Мадрыдам рэферэндумам аб незалежнасці рэгіёну два гады таму, паведамляе «Радыё Свабода».
У Барселоне пройдзе масавая дэманстрацыя, у якой, як чакаецца, возьмуць удзел сотні тысяч людзей.
Another huge column marching to Barcelona now. Catalonia is following the General Strike with almost no exceptions as a single people. #SpainIsAFascistState pic.twitter.com/hyO2mGYhkz
— Help Catalonia 🎗 (@CataloniaHelp2) 18 октября 2019 г.
Жыхары Каталоніі сцягваюцца ў сталіцу рэгіёну з пяці розных кірункаў. Многія з іх ідуць у горад пешшу, гэтыя дэманстрацыі атрымалі назву «Марш свабоды». Многія дарогі ў рэгіёне заблакаваныя, як і рух на шашы непадалёк памежных пераходаў у Францыю.
У апошнія дні ў Барселоне і іншых гарадах Каталоніі адбыліся сутыкненні з паліцыяй. Сёння акцыі пакуль праходзяць мірна.
Былы кіраўнік каталонскай адміністрацыі Карлес Пучдэмон у пятніцу добраахвотна з'явіўся ў паліцыю Бельгіі пасля таго, як гішпанскі суд абвясціў яго ў міжнародны вышук. Пакуль не паведамляецца, ці быў ён затрыманы.
Пучдэмон пакінуў Гішпанію ў 2017 годзе пасля таго, як Мадрыд пасля рэферэндуму ў Каталоніі распусціў парламент аўтаномнага рэгіёну і ўвёў у ім наўпроставае кіраванне.
Дзевяць паплечнікаў былога каталонскага лідара ў панядзелак былі прысуджаныя да тэрмінаў ад 9 да 13 гадоў пазбаўлення волі за арганізацыю рэферэндуму.
Цяперашні кіраўнік адміністрацыі Каталоніі Кім Тора пасля гэтага заявіў пра неабходнасць новага рэферэндуму аб незалежнасці.