25 траўня 2020, панядзелак, 13:38
Сім сім, Хартыя 97!
Рубрыкі

У Маскве праходзяць пікеты ў абарону палітвязняў

У Маскве праходзяць пікеты ў абарону палітвязняў

Пікеты праходзяць ля станцый метро.

У шэрагу станцый маскоўскага метрапалітэна ўвечары ў пятніцу праходзяць адзінкавыя пікеты ў падтрымку асуджаных і абвінавачаных паводле так званай «маскоўскай справы», паведамляе svoboda.org.

Пікеты арганізуе Асацыяцыя незалежных муніцыпальных дэпутатаў. На старонцы акцыі ў Фэйсбуку гаворыцца, што палітычныя рэпрэсіі ў Расеі набіраюць сілу, і мэта пікетаў - «сказаць не паліцэйскаму свавольству».

Адзінкавыя пікеты не патрабуюць узгаднення з уладамі.

Сярод тых, хто меў намер выйсці на пікеты - пісьменніца Аліса Ганіева, актор Сяргей Фралоў, актрысы Юлія Ауг і Яна Траянава, публіцыст Юрый Сапрыкін, журналісты Таццяна Фельгенгаўэр і Ілля Азар, дэпутаты Масгардумы Максім Круглоў, Міхаіл Цімонаў, Сяргей Мітрохін і Дар'я Бяседзіна, былы абвінавачаны паводле «маскоўскай справы» Аляксей Міняйла і іншыя.

Пікеты праходзяць ля найбольш загружаных станцый маскоўскага метро - як на Кальцавой, так і на радыяльных лініях.

Спыніць «маскоўскую справу» і вызваліць усіх затрыманых і асуджаных таксама запатрабавалі больш за сто дэпутатаў з Санкт-Пецярбурга. Большасць з іх - муніцыпальныя дэпутаты. Сярод тых, хто падпісаўся пад адкрытым лістом і пяць дэпутатаў Заканадаўчага Сходу горада: Міхаіл Амосаў, Барыс Вішнеўскі, Максім Рэзнік, Аляксей Кавалёў і Аляксандр Рассудаў.

Паводле «маскоўскай справы», распачатай пасля акцыі пратэсту 27 ліпеня, або паводле справаў, звязаных з ёй, былі асуджаныя сем чалавек, шэсць атрымалі рэальныя тэрміны. Сем чалавек знаходзяцца ў СІЗА, прычым чацвярых адправілі туды на гэтым тыдні. Яшчэ некалькі чалавек пад хатнім арыштам. Айдар Губайдулін, які быў пад падпіскай аб нявыездзе, напярэдадні паведаміў, што пакінуў Расею. Абвінавачаныя адмаўляюць сваю віну.