Сяргей Пятрухін знайшоў арыгінальны метад па нейтралізацыі ўладаў

У блогера павінны былі забраць апісаную маёмасць, але нешта пайшло не так.

Удзень 19 кастрычніка судовыя выканаўцы павінны былі канфіскаваць у блогера Сяргея Пятрухіна арыштаваную маёмасць. Сярод рэчаў, якія збіраліся канфіскаваць - прыгарэўшы прас, старая кухня і кампутар, які, як пажартаваў блогер, «старэйшы, чым Біл Гейтс», паведамляе «Брестская газета».

Пятрухін хацеў зладзіць з гэтай падзеі «ўрачыстае мерапрыемства» з жывой музыкай і чаяваннем і запрасіў на яго «гледачоў».

Аднак незадоўга да прызначанага часу высветлілася, што 18 кастрычніка ў Пятрухіна нічога не забяруць - пра тое, што канфіскацыя маёмасці пераносіцца, аддзел прымусовага выканання Ленінскага раёна Берасця паведаміў СМС-кай.

Тым не менш, чаяванне адбылося, жывая музыка таксама была.

«Цяпер мы ўжо ведаем, як трэба абараняць сябе. Не трэба абараняцца віламі і сякерамі. Трэба проста высмейваць іх, іх працу, трэба паказваць людзям, чым яны займаюцца», - сказаў блогер Аляксандр Кабанаў.

«Для гэтага трэба аб'ядноўвацца. Калі ў да вас у хату прыходзіць міліцыя, нешта апісваюць, штосьці выносяць - збірайце людзей. Накрывайце стол і глядзіце на іх, глядзіце на гэтую дзічыну. Нідзе ў свеце няма такога, каб у людзей адбіраць апошняе», - дадаў Сяргей Пятрухін.

Нагадаем, у красавіку гэтага года суд Ленінскага раёна прызнаў блогера вінаватым у публічным паклёпе і абразе міліцыянтаў і прысудзіў да штрафу сумаю 360 базавых (9 180 рублёў) у даход дзяржавы. Акрамя таго, Пятрухіна абавязалі аплаціць маральную шкоду пацярпелым супрацоўнікам міліцыі (у агульнай складанасці 7 500 рублёў) і выдаткі на адваката.

Выплаціць такую суму блогер не змог.

Сяргей Пятрухін вядомы сваімі відэаролікамі на вострыя сацыяльныя тэмы. З 2018 году разам з блогерам з Бярозы Аляксандрам Кабанавым на YouTube-каналах «Народны рэпарцёр» і «YouTube-дэпутаты» асвятляе тэму будаўніцтва пад Берасцем акумулятарнага завода. За сваю актыўнасць блогеры неаднаразова прыцягваліся да адміністрацыйнай адказнасці. Іх затрымлівалі і штрафавалі на буйныя сумы. Дагэтуль дзякуючы дапамозе людзей Пятрухіну і Кабанаву ўдавалася аплачваць штрафы.