9 снежня 2019, панядзелак, 6:04
Засталося зусім крыху
Рубрыкі

У Расеі назвалі прыярытэтную версію прарыву дамбы ў Краснаярскім краі

7
У Расеі назвалі прыярытэтную версію прарыву дамбы ў Краснаярскім краі

Затрыманыя тры чалавекі.

Следчы камітэт уважае прыярытэтнай версіяй прычыны прарыву дамбы ў Краснаярскім краі парушэнне пры правядзенні золатаздабывальных работ. Пра гэта гаворыцца ў паведамленні на сайце ведамства, паведамляе РБК.

У рамках расследавання крымінальнай справы затрыманыя тры чалавекі: дырэктар золатаздабывальнага прадпрыемства ТАА «Сісім», а таксама начальнік і майстар горнага ўчастка арганізацыі. Іх даставілі ў Краснаярск для допыту.

Прарыў дамбы, размешчанай на рацэ Сейме каля золатаздабывальнай арцелі ў Курагінскім раёне Краснаярскага краю, адбыўся ў ноч на 19 кастрычніка. Патокі вады затапілі два вагончыкі, у якіх жылі рабочыя. Паводле апошніх звестак МНС, у выніку загінулі 15 чалавек, яшчэ шэсць на гэты момант лічацца зніклымі без вестак.

У экстраных службах рэгіёну раней называлі яшчэ адну версію здарэння: паводле папярэдніх звестак, дамба магла разбурыцца ад зруйнавання. Следчы камітэт жа не выключаў, што інцыдэнту магло папярэднічаць разбурэнне яшчэ адной дамбы, якая знаходзілася вышэй па плыні.

Улады Краснаярскага краю дапусцілі, што на прарыў дамбы мог паўплываць прыродны фактар: у апошні час у рэгіёне ішлі дажджы. Губернатар Аляксандр Ус таксама не выключыў, што прычынай здарэння маглі стаць парушэнні тэхналогій пры будаўніцтве. Са слоў старшыні рэгіянальнага ўрада Юрыя Лапшына, дамба была збудаваная «саматужным спосабам» з «парушэннем усіх мажлівых і неймаверных нормаў».

СК распачаў крымінальную справу паводле ч. 3 арт. 216 КК (парушэнне правілаў бяспекі пры вядзенні работ, што пацягнула смерць двух і больш асоб). У рамках расследавання ў офісе холдынгу «Сібзалота» прайшлі ператрусы. Прэзідэнт Расеі Уладзімір Пуцін даручыў аказаць дапамогу пацярпелым і не дапусціць распаўсюджвання наступстваў абвалу на найбліжэйшыя населеныя пункты. У раёне абвальвання ўвялі рэжым НС, улады рэгіёну абвясцілі 21 кастрычніка днём жалобы.