У Польшчы выраслі заробкі і аб'ёмы прамысловай вытворчасці
1- 20.10.2019, 12:18
- 6,885
Цяпер сярэдні заробак у краіне складае 1180 еўраў.
Паводле звестак Галоўнага статыстычнага ўпраўлення, у верасні сярэдні заробак у Польшчы вырас на 6,6%, а аб'ёмы прамысловай вытворчасці - на 5,6%, паведамляе «Радыё Польшча».
У верасні сярэдні заробак у Польшчы вырас на 6,6% у параўнанні з аналагічным перыядам мінулага года, і склаў 5084 злотыя без выліку падаткаў (блізу 1180 еўра). Пра гэта паведаміла Галоўнае статыстычнае ўпраўленне.
Апублікаваныя звесткі належаць да кампаній, у якіх працуе больш за 9 чалавек. У папярэднім месяцы ў такіх кампаніях былі працаўладкаваныя блізу 6 млн 400 тысяч чалавек, гэта значыць на 2,6% больш, чым у адпаведны перыяд 2018 года.
Галоўнае статыстычнае ўпраўленне таксама апублікавала звесткі аб аб'ёмах прамысловай вытворчасці ў Польшчы, якія ў верасні павялічыліся на 5,6% у параўнанні з аналагічным перыядам мінулага года.