12 снежня 2019, Чацвер, 22:38
Засталося зусім крыху
Рубрыкі

На ролю асноўнай зброі войска ЗША прэтэндуе экзатычны карабін

6
На ролю асноўнай зброі войска ЗША прэтэндуе экзатычны карабін

У Пентагоне даўно разглядаюць варыянты на змену карабіну M4.

Перспектыўны карабін RM277 з магутнымі 6,8-мілімэтровымі патронамі можа стаць асноўнай стралковай зброяй войска ЗША.

У Пентагоне даўно разглядаюць варыянты на змену карабіна M4 і ручному кулямёту M249 SAW. Але прэтэндэнт мае канечне перасягаць папярэднія ўзоры ва ўсіх асноўных параметрах, а акрамя таго, валодаць здольнасцю эфектыўна прабіваць найноўшыя кітайскія і расейскія бронекамізэлькі, піша «Інфармацыйны супраціў».

Амэрыканская кампанія General Dynamics прыняла пастанову ўдзельнічаць у конкурсе Next Generation Squad Weapons (NGSW), тым самым пацвердзіўшы даўнія чуткі пра тое, што яе новы карабін будзе выкарыстоўваць канцэпцыю бул-пап, пры якой трыгер карабінаў і аўтаматаў вынесены наперад і знаходзіцца перад магазінам і капсулем.

Гэта дазваляе істотна скараціць агульную даўжыню зброі, не ўносячы карэкцыю ў даўжыню рулі, а значыць, не пагаршаць гушчыню і дакладнасць страляніны, а таксама дзейсную далёкасць.

General Dynamics падрыхтавала некалькі варыянтаў зброі: адзін на змену M4, а другі - ручному кулямёту M249 SAW. Абедзве версіі выкарыстоўваюць 6,8-мм патроны з палімерным корпусам. Гэта дазваляе знізіць іх масу. Удзельнікі конкурсу NGSW ствараюць сваю зброю пад гэты калібр.

Тэхнічныя характарыстыкі RM277 пакуль невядомыя. Ёсць звесткі аб тым, што яна мае інтэграваную доўгую мацавальную рэйку Picatinny Rail з бакавымі слотамі M-Lok. На бакавой частцы зброі мацуецца складаны механічны прыцэл са зрушаных цэліка і мушкі.

Як паведамляла група ІС, для забеспячэння снайпераў УСУ, узброеных новымі карабінамі, пачалі закупляць айчынныя патроны 308 Winchester (7,62×51 мм NАТО).