22 лiстапада 2019, Пятніца, 16:53
Праўда пра «выбары»
Рубрыкі

Даследнікі давялі выключную карысць свойскіх жывёлін для здароўя

18
Даследнікі давялі выключную карысць свойскіх жывёлін для здароўя

Навукоўцы даследавалі інфармацыю больш чым 3,8 мільёна жыхароў Швэцыі ва ўзросце 40-85 гадоў.

Усе яны ў мінулым перанеслі інфаркт ці інсульт, піша lenta.ua.

У некаторых з іх быў адзін або некалькі сабак. Медыкі высветлілі, што рызыка заўчаснай смерці з усіх прычын ва ўладальнікаў сабак зніжаная на 24%, рызыка смерці ад інфаркту - на 65%, а рызыка смерці ад іншых сэрцава-судзінных праблем - на 31%.

Са слоў даследнікаў, калі ўладальнік сабак пасля выпіскі з лякарні жыў адзін, у яго рызыка смерці ад паўторнага інфаркту была на 33% ніжэйшай, чым у людзей, якія апынуліся ў той жа сітуацыі, але сабакі ў іх не было. Пражыванне з партнёрам або дзіцем і сабакам давала зніжэнне рызыкі смерці на 15% у параўнанні з сітуацыяй, калі пацыент жыў са сваякамі, але не меў жывёлін. Пры інсульце наяўнасць сабакі зніжала вышэй названыя рызыкі на 27% і 12% адпаведна.

У справаздачы экспэртаў гаворыцца: «Нам добра вядома, што сацыяльная ізаляцыя, дэпрэсія, пачуццё адзіноты з'яўляюцца магутнымі фактарамі рызыкі дрэннага стану здароўя і заўчаснай смерці. Як паказалі папярэднія даследаванні, гаспадары сабак абароненыя ад сацыяльнай ізаляцыі, яны часцей і больш гутараць з іншымі людзьмі, чым тыя, у каго сабак няма. Акрамя таго, наяўнасць сабакі выдатна матывуе быць больш фізічна актыўным, што таксама з'яўляецца важным фактарам аднаўлення пасля хваробы і добрага псіхічнага стану».