У Расеі «растлумачылі» сігнал SOS ад ледакола ля берагоў Нарвэгіі

Нарвэжцы блізу двух гадзін спрабавалі выратаваць расейцаў.

У прэс-службе Расморрачфлота РБК паведамілі, што расейскі ледакол ля берагоў Нарвегіі падаў сігнал аб дапамозе памылкова. «Падчас шторму частка абсталявання была абясточаная. Пры падключэнні ў эфір пайшоў фальшывы сігнал. З імі ўсё нармальна», - сказаў прадстаўнік ведамства.

У сваю чаргу ў прэс-службе ФГУП «Расморпорт» РБК паведамілі, што капітан ледакола звяртаўся ў Нарвэжскі выратавальны цэнтр праз абясточванне судна з адначасовым запускам дызель-генератара. Ён прасіў даць яму буксір, аднак праз дзве гадзіны працу судна на двух галоўных рухавіках ўдалося аднавіць, а яшчэ праз гадзіну сістэма аднавілася цалкам.

Нарвэжскія ратавальнікі атрымалі сігнал SOS а 06:36 мясцовага часу, паведамляе Aftenposten. З атрыманай інфармацыі вынікала, што расейскі ледакол «Тор», які рухаўся з Санкт-Пецярбурга ў Ямала-Ненецкую аўтаномную акруга, страціў ход на захад ад горада Алесун і здольны толькі на невялікія манеўры ва ўмовах моцнага шторму. Да судна былі накіраваныя два буксіры.

Для эвакуацыі маракоў на месца здарэння вылецеў верталёт. Ён паўтары гадзіны кружыў над ледаколам, аднак у выніку вярнуўся на базу, пасля таго як капітан паведаміў, што не мае патрэбы ў дапамозе.

Праз дзве з паловай гадзіны пасля падачы сігналу бедства выратавальная служба Нарвэгіі атрымала інфармацыю, што рухавік судна працуе, і сітуацыя стабілізавалася.