15 снежня 2019, Нядзеля, 5:04
Засталося зусім крыху
Рубрыкі

Паўднёвая Карэя падняла па трывозе знішчальнікі

5
Паўднёвая Карэя падняла па трывозе знішчальнікі
ІЛЮСТРАЦЫЙНАЕ ФОТА

Усяму віной - шэсць вайсковых самалётаў РФ.

У аўторак, 22 кастрычніка, Паўднёвая Карэя падняла па трывозе знішчальнікі пасля таго, як расейскія вайсковыя самалёты без папярэджання ўвайшлі ў зону апазнавання супрацьпаветранай абароны краіны.

Як паведамляе «Новое время» са спасылкай на Reuters, шэсць самалётаў ВКС РФ парушылі зону апазнавання паўднёвакарэйскай СПА цягам шасцігадзіннага перыяду.

Паводле паведамлення Аб'яднанага камітэта начальнікаў штабоў Сеула (JCS), гэта 20-е парушэнне зоны апазнавання СПА Паўднёвай Карэі расейскімі вайсковымі самалётамі сёлета.

«Нашы вайскоўцы тэрмінова паднялі знішчальнікі для адсочвання і маніторынгу самалётаў і перадачы папераджальных паведамленняў», - гаворыцца ў заяве JCS.

Расейскія самалёты не парушалі паветраную прастору Паўднёвай Карэі, падкрэслілі ў Сеуле.

У Мінабароны РФ заявілі, што два расейскія стратэгічныя бамбавікі Ту-95МС у суправаджэнні знішчальнікаў Су-35С і самалёта далёкага радыёлакацыйнага дазору і навядзення А-50 правялі патруляванне на Далёкім Усходзе.

«На асобных этапах маршруту экіпажы Ту-95МС суправаджалі пара знішчальнікаў F-15, F-16 (ВПС Паўднёвай Карэі) і F-2 (ВПС Японіі)», - падкрэслілі ў расейскім вайсковым міністэрстве.