16 снежня 2019, панядзелак, 11:12
Засталося зусім крыху
Рубрыкі

Павел Юхневіч: Паглядзім, што будзе заўтра

3
Павел Юхневіч: Паглядзім, што будзе заўтра
ПАВАЛ ЮХНЕВІЧ

Актывіста «Еўрапейскай Беларусі» выклікаюць на камісію за пікет без пасведчання.

Кандыдата ў дэпутаты палаты прадстаўнікоў ад «Еўрапейскай Беларусі» Паўла Юхневіча выклікаюць на камісію па Пушкінскай выбарчай акрузе №103. На днях Павел разам са сваімі даверанымі асобамі правёў два пікеты, але ў яго паплечнікаў не было афіцыйных пасведчанняў, паведамляе euroradio.fm.

22 кастрычніка Павел даведаўся, што заўтра адбудзецца пасяджэнне камісіі «аб ягоным пытанні».

«Я сёння [22 кастрычніка. - Заўвага.] патэлефанаваў у акруговую камісію, каб пацікавіцца, дзе пасведчанні маіх давераных асоб, якія павінны быць выдадзеныя, - распавёў «Еўрарадыё» Павел Юхневіч. - На жаль, мне іх не далі, калі выдавалі маё пасведчанне аб рэгістрацыі кандыдатам. Мне адказалі, маўляў, пасведчанні гатовыя, можаце забраць... Ну і заўтра пасяджэнне камісіі што да вашага пытання. Кажу: якога пытання?»

Выявілася, што разам са сваёй камандай Павел Юхневіч нібыта парушыў парадак правядзення агітацыі. Кандыдат дадае, што сапраўды пасведчанняў у чальцоў яго групы падчас пікетаў не было, бо іх фізічна не выдалі, хоць павінны былі выдаць разам з яго кандыдацкіх пасведчаннем.

«У Выбарчым кодэксе нідзе не прапісана, што агітацыю павінны праводзіць выключна давераныя асобы. Відавочна, што прыдумляюцца нейкія падставы. Не буду моцна драматызаваць, паглядзім, што будзе заўтра», - распавёў актывіст «Еўрапейскай Беларусі».