13 лiстапада 2019, Серада, 19:03
Добрая навіна
Рубрыкі

Беларускія банкі ўводзяць біяметрычную аўтэнтыфікацыю кліентаў

25
Беларускія банкі ўводзяць біяметрычную аўтэнтыфікацыю кліентаў

Рэалізацыя пілотнага праекта пачнецца ўжо на наступным тыдні.

У Беларусі на наступным тыдні пачнецца рэалізацыя пілотнага праекта па біяметрычнай аўтэнтыфікацыі кліентаў банкаў, паведамляе naviny.by.

Пра гэта заявіла старшыня праўлення ААТ «НКФО «АРІП» Алена Антоні 22 кастрычніка падчас пленарнага пасяджэння XVI Міжнароднага форуму па банкаўскіх інфармацыйных тэхналогіях «Банк» у Менску.

Як патлумачыла спецыяліст, у гэтым выпадку гаворка пакуль ідзе пра біяметрычную аўтэнтыфікацыю, а не ідэнтыфікацыю. «Мы будзем параўноўваць па біяметрыі твару і па біяметрыі голасу ці сапраўды гэта той чалавек, як ён пра сябе заяўляе», - сказала Антоні.

Кліенты міжбанкаўскай сістэмы ідэнтыфікацыі змогуць замест пароля падаваць свае біяметрычныя звесткі, каб зайсці ў абслуговы банк. Такім чынам будзе пацвярджацца асоба кліента, пра якую ўжо маюцца звесткі ў сістэме.