Нямеччына ўвязе ў Расею 12 тысяч тон радыеактыўных адкідаў
24- 23.10.2019, 14:51
- 16,187
Гэта больш за тысячу кантэйнераў і прыкладна 20 чыгуначных саставаў.
Еўрапейская кампанія Urenco ў 2019 годзе аднавіла транспарціроўку ў Расею адкідаў узбагачэння ўрану з фабрыкі ў нямецкім горадзе Гранаў. Пра гэта МБХ медыя паведамілі ў Greenpeace.
Аб аднаўленні транспарціроўкі радыеактыўных адкідаў гаворыцца ў дакуменце ўладаў зямлі Паўночны Рэйн-Вестфалія, згодна з якім з 2019 да 2022 года ў Расею з Нямеччыны плануецца адправіць 12 тысяч тон уранавых хвастоў - гэта больш за тысячу кантэйнераў і прыкладна 20 чыгуначных саставаў.
Адпраўка пачалася ў траўні. За паўгода на Уральскі электрахімічны камбінат у Новаўральску Свярдлоўскай вобласці з Нямеччыны ўжо адпраўленыя шэсць чыгуначных складаў - амаль чатыры тысячы тон адкідаў узбагачэння ўрану.
Greenpeace падкрэслівае, што ў Расеі ўжо назапашана блізу аднаго мільёна тон уранавых хвастоў, якія не толькі радыеактыўныя, але і таксічныя. Планаў для выкарыстання такой іх колькасці няма, а практыка кантрактаў да 2009 года дэманструе, што другасныя адходы пасля даабагачэння ўранавых хвастоў з-за мяжы заставаліся ў Расеі.
Сустаршыня міжнароднай экалагічнай групы «Экаабарона» Уладзімір Слівяк назваў пазіцыю «Расатама» дзіўнай. Гатоўнасць дзяржкампаніі зарабляць на пахаванні фактычных замежных адкідаў з'яўляецца нонсэнсам у кожнай цывілізаванай краіне, заявіў эколаг.
За радыеактыўныя адкіды ўважаюцца ядзерныя матэрыялы і радыеактыўныя рэчывы, далейшае выкарыстанне якіх не прадугледжваецца. Паводле расейскага закону іх увоз у Расею для захоўвання, перапрацоўкі або пахавання забаронены.
Аднак закон дазваляе ўвозіць ядзерныя матэрыялы для іх даабагачэння і вяртання замежнаму пастаўшчыку. Эколагі намагаюць, што адкіды, увезеныя дзякуючы гэтаму правілу, потым не вывозяцца з Расеі.