8 снежня 2019, Нядзеля, 14:10
Засталося зусім крыху
Рубрыкі

Сіноптыкі: У пачатку наступнага тыдня выпадзе снег

1
Сіноптыкі: У пачатку наступнага тыдня выпадзе снег

Якім будзе надвор'е ў апошні тыдзень кастрычніка.

Сярэдзіна восені радуе нас анамальна цёплым надвор'ем. Такія варункі надвор'я ў гэты час года адзначаюцца ўпершыню за апошнія 75 гадоў, піша tut.by.

Сярэдняя за другую дэкаду тэмпература паветра склала +12,9°С, што на 6°C вышэй за кліматычную норму: такі тэмпературны рэжым характэрны для першай паловы верасня. Да канца тыдня яшчэ захаваецца цёплае надвор'е, але ўжо ў пачатку наступнага тыдня істотна пахаладае. У апошнія дні кастрычніка ўстановіцца халоднае надвор'е, месцамі пройдуць ападкі - дождж і мокры снег. Пра гэта паведамляе Белгідрамет Мінпрыроды.

24 кастрычніка, у чацвер, пры павышаным фоне атмасфернага ціску будзе пераважна без ападкаў. У начныя і ранішнія гадзіны ў асобных раёнах туман. Тэмпература паветра мінімальная ўначы +2...8°С, месцамі +9...11°С; максімальная тэмпература ўдзень +11...17°С, на паўднёвым захадзе краіны паветра прагрэецца да +18...20°С.

25 кастрычніка, у пятніцу, пераважна без ападкаў. Уначы і раніцай слабы туман. Тэмпература паветра мінімальная ўначы +3...9°С, месцамі +10...11°С; максімальная ўдзень +13...20°С, у паўднёвых раёнах да +22°С.

26 кастрычніка, у суботу, пераважна без ападкаў. Уначы і раніцай слабы туман. Тэмпература паветра мінімальная ўначы +4...9°С, месцамі +10...11°С, максімальная ўдзень ад +11°С на поўначы да +21°С на поўдні краіны.

27 кастрычніка, у нядзелю, малаактыўны атмасферны фронт выкліча месцамі, пераважна ў паўночнай палове Беларусі, кароткачасовыя дажджы. Уначы і раніцай слабы туман. Тэмпература паветра мінімальная ўначы +4...11°С, максімальная тэмпература ўдзень +8...15°С, на поўдні да +19°С.

Ужо ў пачатку наступнага тыдня пахаладае.

28 кастрычніка, у панядзелак, за атмасферным фронтам на тэрыторыю Беларусі пачне паступаць халоднае паветра з поўначы Скандынавіі. Тэмпература паветра мінімальная ўначы складзе +1...8°С, максімальная тэмпература ўдзень +5...12°С. Месцамі ў краіне пройдуць кароткачасовыя дажджы. Уначы і раніцай у асобных раёнах слабы туман.

29 кастрычніка, у аўторак, пахаладанне ўзмоцніцца. Месцамі ў краіне чакаюцца кароткачасовыя ападкі ў выглядзе дажджу і мокрага снегу. Тэмпература паветра мінімальная ўначы складзе -2...+5°С, максімальная тэмпература ўдзень 0...+7°С.