Еўрадэпутат ад Літвы параўнаў Астравецкую АЭС і «Паўночны струмень - 2»

У абодва праекты інвестуе Масква і абодва пагражаюць бяспецы.

Дэпутат Еўрапарламента ад Літвы Андрус Кубілюс параўнаў праекты Астравецкай АЭС і газаправода «Паўночны струмень - 2», паведамляе карэспандэнт Сharter97.org.

«Ёсць адзін праект - «Паўночны струмень-2», куды Крэмль інвестуе 10 мільярдаў даляраў ЗША, ёсць яшчэ адзін праект - беларуская АЭС у Астраўцы, на такую ж суму з Крамля. Абодва пагражаюць нашай бяспецы», - заявіў Кубілюс на канферэнцыі ў Страсбургу, арганізаванай некамерцыйнай арганізацыяй «Свабодная Расея».

Напярэдадні старшыня «Саюза айчыны - Хрысціянскіх дэмакратаў» Габрыэлюс Ландсбергіс звярнуўся да старшыняў правацэнтрысцкіх партый Еўрапейскай народнай партыі з просьбай падтрымаць Літву ў супрацьдзеянні пагрозе, якая ствараецца Астравецкай АЭС. Ландсбергіс адзначыў, што партнёры Літвы ў ЕЗ павінны быць праінфармаваныя пра пазіцыю краіны ў пытанні атамнай станцыі Беларусі.

У лісце таксама паказваецца, што Астравецкая АЭС размешчаная занадта блізка да адной з еўрапейскіх сталіц - Вільні, і ўяўляе пагрозу не толькі для Літвы, але і для бяспекі Еўрапейскага Звязу агулам.

«Будаўніцтва электрастанцыі не адпавядае патрабаванням Канвенцыі ESPOO, рэкамендацыям, зробленым пасля стрэс-тэстаў, і парушае асноўныя палажэнні Канвенцыі аб ядзернай бяспецы. Адзіны спосаб гарантаваць бяспеку - не дапусціць запуску Астравецкай АЭС», - сказаў Ландсбергіс.

У красавіку 2017 года парламент Літвы прыняў закон, які забараняе куплю электраэнэргіі з небяспечных атамных электрастанцый. Пазней Сейм таксама прызнаў АЭС у Астраўцы небяспечнай, а таксама пагрозай нацыянальнай бяспецы Літвы, яе навакольнаму асяроддзю і здароўю жыхароў краіны.

Літва неаднаразова крытыкавала Беларусь за тое, што тая не гарантуе бяспеку АЭС, якая будуецца ў 50 км ад Вільні.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com