18 лiстапада 2019, панядзелак, 15:33
Дзень другі
Рубрыкі

У жыхароў Лошыцы вада з-пад крана цячэ з пяском

12
У жыхароў Лошыцы вада з-пад крана цячэ з пяском
ІЛЮСТРАЦЫЙНАЕ ФОТА

«Мінскводаправод» мяркуе, што такая вада адпавядае патрабаванням.

Жыхары Лошыцы-9 скардзяцца, што ў кватэры падаюць брудную ваду. Што на гэта кажуць у «Мінскводаканале» і як праблему будуць развязваць, паведамляе агенцтва «Минск-Новости».

У пачатку кастрычніка на tut.by аб няякаснай вадзе з-пад кранаў пісалі жыхары новабудоўлі на вуліцы Міхаіла Пташука, 11. Агенцтва «Минск-Новости» паведамляла і пра скаргі з дома №3 на той жа вуліцы.

Намесніца начальніка вытворчасці «Мінскводаправода» Наталля Сазанова распавяла, што паводле зваротаў жыхароў мікрараёна правялі праверкі: спецыялісты бралі пробы вады, у тым ліку ў некалькіх кватэрах.

- Так як у скаргах сцвярджалася, што вада брудная, іржавая, лабараторны аналіз праводзіўся згодна з пяці паказчыкамі: на мутнасць, пах, прысмак, каляровасць, змяшчэнне жалеза, - сказала Наталля Сазанова. - Ва ўсіх адабраных пробах атрыманы вынік, што пітная вада адпавядае патрабаванням СанПіН 10-124 РБ99.

Аднак, спецыялісты «Мінскводаканала» не выключаюць, што ў жыхароў былі падставы для зваротаў. Па ўзгадненні з ЖКГ і адміністрацыяй Ленінскага раёна пачалі планавае прамыванне вонкавых і ўнутрыдамавых сетак цэнтралізаванага водазабеспячэння ў Лошыцы №1, 2, 9, а таксама пазапланавае - у мікрараёнах №3, 4, 6. Праца будзе доўжыцца два - два з паловай месяцы.

Паводле слоў спецыяліста, перыяд прамывання з адключэннем вонкавых трубаправодаў у тым ці іншым жылым квартале складзе шэсць - восем гадзін. Амаль 85% сетак будуць адключаць уначы, што не створыць асаблівых нязручнасцяў. У абавязковым парадку да дамоў даставяць цыстэрны з пітной вадой, каля пад'ездаў расклеілі аб'явы.

Ці могуць жыхары прэтэндаваць на якую-небудзь кампенсацыю, патлумачыла намесніца начальніка прадпрыемства «Вадазбыт» Лія Перавалушка. Калі паслуга водазабеспячэння надаецца з недахопамі, ці не надаецца, паводле закону пераразлік вырабляецца на падставе прэтэнзійнага акту.

- Калі гаворка ідзе аб якасці вады, то праводзіцца экспэртыза ў лабараторыі «Мінскводаканала». Выезд спецыяліста, адбор проб і наступны лабараторны аналіз для спажыўца бясплатныя. Разам з тым жыхары на жаданне і за свой кошт могуць звярнуцца ў іншую арганізацыю для правядзення незалежнай экспэртызы. Калі пацвердзіцца, што якасць вады не адпавядае ўстаноўленым санітарна-гігіенічным нормам, будзе зроблены пераразлік за перыяд ад даты паступлення звароту да даты вынясення заключэння. Пры гэтым сума платы за паслугу халоднага водазабеспячэння памяншаецца на 10%, - распавяла Лія Перавалушка.

Тарыф на халоднае водазабеспячэнне ў Менску складае 0,8338 рубля за кубічны метр.