Лукашэнка назваў мерапрыемства ў Жытоміры «пляцоўкай рэгіёнаў Расеі»
68- 4.10.2019, 12:20
- 73,081
(абноўлена) Дыктатар здзівіў Зяленскага.
Гэта першая сустрэча Аляксандра Лукашэнкі і Уладзіміра Зяленскі. «Салiдарнасць» адзначыла цікавы момант, які адбыўся на перамовах у вузкім складзе.
Прэзідэнт Украіны пачаў са слоў: «Добры дзень, сябры!». І, як піша БелТА, ва ўступным слове перайшоў з расейскай на ўкраінскую мову, адзначыўшы, што нават так кіраўнікі дзяржаў разумеюць адзін аднаго:
- Нашы людзі прыязныя, ментальна абсалютна блізкія. І я ганаруся, што ў нас такія добрыя стасункі і суседзі.
Пасля закрытых перамоў адбылася прэс-канферэнцыя Зяленскага і Лукашэнкі. Зяленскі прадоўжыў гаварыць па-ўкраінску. Распавядаў аб блізкасці двух народаў:
- Я думаю, што нашы людзі прыязныя, маральна блізкія. Я ганаруся і ўпэўнены, што кожны ўкраінец ганарыцца тым, што ў нас такія добрыя суседзі і дачыненні.
Дарэчы, напярэдадні сустрэчы Лукашэнкі і Зяленскага адбыўся абмен затрыманымі асобамі. 3 кастрычніка Украіна заявіла аб вызваленні падазраванага ў шпіянажы Юрыя Палітыкі. Сёння Беларусь вызваліла журналіста Паўла Шаройку.
На Форуме не абышлося без канфузу. Лукашэнка чамусьці назваў мерапрыемства ў Жытоміры «пляцоўкай рэгіёнаў Расеі».
- Калісьці ў нас у 2012 годзе было больш за восем мільярдаў тавараабарачэння. Таму яно ўпала, па-мойму - да чатырох. І вы ведаеце, Уладзімір Аляксандравіч, гэтая пляцоўка рэгіёнаў Расеі, непасрэдныя кантакты кіраўнікоў рэгіёнаў...
- Украіны, - паправіў яго Зяленскі.
- Я спалохаўся, няўжо я Уладзімір Уладзіміравіч сказаў.
- Дзякуй Богу, што не.
- Прашу прабачэння, вы вядома разумееце, - сказаў Лукашэнка і зноў пачаў чытаць з паперкі.