Здароўе Лукашэнкі пахіснулася
137- 5.10.2019, 8:59
- 169,065
Падзеі апошняга тыдня выклікаюць шмат пытанняў.
Не на роднай зямлі пачаўся і не на роднай зямлі скончыцца «працоўны тыдзень» Лукашэнкі, паведамляе «Белсат».
Спачатку – візіт у Арменію, цяпер – ва Украіну. Падчас першага стала ясна, што кіраўнік Беларусі не ў найлепшай форме, падчас другога, што... І сапраўды – што?
У пачатку тыдня – візіт у Арменію, у канцы – ва Украіну на сустрэчу з Уладзімірам Зяленскім.
«Мы даўно знаёмыя, праўда, завочна, а сёння ўжывую сустракаемся тут».
Знаёмства не ўжывую выглядала так:
«Дарагія друзякі, мяне завуць Аляксандр Рыгоравіч Лукашэнка» – жартаваў калісьці Зяленскі ў сваёй «студыі Квартал-95».
Ды і ўчора на сустрэчы Уладзімір Зяленскі зноў ці то пасміхаўся, ці то пакепліваў з Лукашэнкі. Не саромеўся нядаўна абраны прэзідэнт Украіны папраўляць дасведчанага «калегу».
– Вы ведаеце, Уладзімір Аляксандравіч, гэтая пляцоўка рэгіёнаў Расеі...
– Украіны...
Калегі з «Квартала-95» так патлумачылі добры настрой прэзідэнта Украіны:
«Надумаў запрасіць да нас, а не самому ехаць у Беларусь, таму што, як вядома, Аляксандр Рыгоравіч усіх сваіх гасцей тут жа цягне ў поле капаць бульбу, касіць сена або збіраць кавуны».
Telegram-канал «Бульба тронаў» таксама сцвярджае, што ў кіраўніка Беларусі не ўсё ў парадку са здароўем.
«Паводле інфармацыі трох дыпламатычных крыніцаў, у Аляксандра Лукашэнкі сур'ёзныя праблемы. Язвіць не будзем», – піша «Бульба тронаў».