Навукоўцы навучылі птушак песням, якія яны ніколі не чулі

Для гэтага яны выкарыстоўвалі спецыяльную азбуку Морзэ.

Даследнікі з Універсітэта Тэхаса ў ЗША пацвердзілі існаванне абласцей мозгу, якія кадуюць успаміны пра паводзіны. Гэтыя звесткі дазволілі ўкараніць штучныя ўспаміны ў мозг птушак і прымусіць іх вывучыць песні, якія яны не ведаюць, піша «Хайтек».

Навукоўцы ведалі, што птушаняты навучаюцца спеву, імітуючы сваіх бацькоў. Яны змаглі абысці гэты працэс і маніпулявалі працай мозгу птушанят, навучыўшы іх песням, якія тыя ніколі не чулі.

Яны зрабілі гэта з дапамогай аптагенетыкі - методыкі, пры якой успышкі святла выкарыстоўваюцца для стымуляцыі пэўных нейронаў у мозгу. У гэтым выпадку навукоўцы маніпулявалі сувяззю паміж вобласцю мозгу, якая апрацоўвае тое, што чуе жывёла, і вобласцю, якая кіруе голасам. Пасля гэтага птушкі імітавалі песні, якія ніколі не чулі.

Даследнікі патлумачылі, што яны выкарыстоўвалі свайго роду азбуку Морзэ, каб навучыць птушанят таму, як павінны гучаць песні. Доўгія светлавыя імпульсы прымушалі іх спяваць доўгія мелодыі, а кароткія - наадварот.

Акрамя таго, даследчыкі навучылі птушак песням, якія былі вельмі простымі. Даўжыня мелодыі - гэта толькі частка складанай музычнай кампазіцыі. Яны дадалі, што дагэтуль не ведаюць, якія часткі мозгу кантралююць іншыя аспекты, напрыклад, вышыню тону і парадак кожнага гуку.

«Мы не навучаем птушку ўсяму - толькі працягласці мелодыі ў песні, - адзначае Тод Робертс, вядучы навуковы супрацоўнік Універсітэта Тэхаса. Дзве вобласці мозгу, якія мы праверылі ў гэтым даследаванні, уяўляюць сабой толькі адзін кавалак галаваломкі. Калі мы разбяромся з іншымі з іх, то зможам гіпатэтычна навучыць птушку спяваць песню без якога-небудзь узаемадзеяння з бацькамі. Але мы далёкія ад таго, каб гэта зрабіць».

Каманда навукоўцаў кажа, што гэтая праца можа адкрыць шляхі вывучэння і патэнцыйнага лячэння некаторых маўленчых разладаў людзей.