У ЗША прынялі на ўзбраенне ўдарную атамную субмарыну
1- 6.10.2019, 18:51
- 12,535
Субмарыны гэтага тыпу здольныя знаходзіцца пад вадой цягам некалькіх месяцаў.
У баявы склад Вайскова-марскіх сіл ЗША на цырымоніі ў горадзе Гротане прынялі ўдарную атамную падводную лодку USS Oregon SSN 793, абсталяваную 12-ю крылатымі ракетамі Tomahawk, піша «УНІАН».
«Oregon з'яўляецца 20-й падводнай лодкай класа «Вірджынія», якая мае адмысловае гукапаглынальнае пакрыццё корпуса і бясшумную рухальную ўстаноўку. Падлодкі гэтага тыпу здольныя развіваць хуткасць, большую за 25 вузлоў і знаходзіцца на баявым дзяжурстве пад вадой цягам некалькіх месяцаў», - гаворыцца ў паведамленні.
Кошт пабудовы кожнай такой падлодкі класа «Вірджынія» чацвёртага пакалення ацэньваецца прыкладна на 2,7 мільярда даляраў.