29 сакавiка 2024, Пятніца, 14:35
Падтрымайце
сайт
Сім сім,
Хартыя 97!
Рубрыкі

Пуцін у дзень нараджэння павысіў заробкі сабе і Мядзведзеву

22
Пуцін у дзень нараджэння павысіў заробкі сабе і Мядзведзеву
УЛАДЗІМІР ПУЦІН І ДЗМІТРЫЙ МЯДЗВЕДЗЕЎ

Прэзідэнт РФ падпісаў некалькі ўказаў.

Прэзідэнт Расеі Уладзімір Пуцін падпісаў некалькі ўказаў аб падвышэнні даходаў асоб, якія замяшчаюць дзяржаўныя пасады Расейскай Федэрацыі. Дакументы апублікаваныя на партале прававой інфармацыі, паведамляе РБК.

У адпаведнасці з указам №481, падпісаным 7 кастрычніка - у дзень нараджэння Пуціна, грашовая ўзнагарода прэзідэнта Расеі і старшыні ўрада «ў мэтах забеспячэння сацыяльных гарантый» павялічваецца з 1 кастрычніка 2019 года на 4,3%.

Аналагічным чынам павышаюцца заробкі міністра абароны РФ, кіраўнікоў МУС, МНС, ФСБ, Расгвардыі, СВР, ФСА і Дзяржаўнай фельд'егерскай службы, а таксама іншых міністраў, віцэ-прэм'ераў, сакратара Савета бяспекі, кіраўніка ЦВК і гэтак далей. Акрамя таго, на 4,3% павышаныя заробкі асоб, якія замяшчаюць дзяржаўныя пасады Расейскай Федэрацыі ў дыпламатычных прадстаўніцтвах і прадстаўніцтвах Расейскай Федэрацыі пры міжнародных арганізацыях.

Асобнымі ўказамі на 4,3% з 1 кастрычніка павышаныя грашовыя ўзнагароды старшыні Следчага камітэта і генеральнага пракурора.

Раней Пуцін падпісаў указ аб павышэнні на 4,3% заробкаў дыпламатычным работнікам і астатнім супрацоўнікам МЗС, а таксама федэральным дзяржслужбоўцам у адпаведнасці з замяшчэннем пасад і класнымі чынамі. Прэс-сакратар кіраўніка дзяржавы Дзмітрый Пяскоў пацвердзіў «РІА Новости», што цяперашняе падвышэнне - гэта «планавая індэксацыя».

Паводле звестак Расстата, сярэдні аклад федэральных дзяржслужбоўцаў у 2018 годзе вырас на 5,4%, перавысіўшы 126 тысяч руб. Гэта ўтрая вышэй за сярэдні заробак расейцаў за мінулы год. Самымі высокааплатнымі федэральнымі чыноўнікамі былі названыя супрацоўнікі апарата ўрада.

Напісаць каментар 22

Таксама сачыце за акаўнтамі Charter97.org у сацыяльных сетках