Рынак ва Уруччы і парк «Дрымлэнд» бізнэсоўца Авер’янава выставілі на таргі

Аўкцыён адбудзецца 6 лістапада.

На таргі выстаўлены будаўнічы рынак ва Уруччы, парк забаў «Дрымлэнд» і «Аграфірма «Ілля», падкантрольныя ЗАТ «Ростэм» бізнэсоўцаў Юрыя Авяр'янава. Гэта вынікае з інфармацыі, размешчанай на сайце Адзінага дзяржаўнага рэестра звестак аб банкруцтве.

Тры гады таму ў Юрыя Авяр'янава разгарэлася «вайна» з крэдыторамі за свае актывы. Кампаніі бізнэсоўца сталі сыходзіць у банкруцтва. У канца 2016 года Эканамічны суд Менска прызнаў «Ростэм» эканамічна неплацежаздольным, а ў жніўні 2019 году - банкрутам і адкрыў ліквідацыйную вытворчасць, паведамляе tut.by.

Крэдыторы і раней выстаўлялі на таргі два актывы: «Аграфірму «Ілля» ў Вілейскім раёне і «Дрымлэнд» на вуліцы Арлоўскай у Менску. Пакупнікоў не знайшлося. Цяпер да лотаў на продаж дадалі будаўнічы рынак ва Уруччы.

Пачатковы кошт лота аграфірмы складае 6,9 млн рублёў. Стартавы кошт «Дрымлэнд» - 9,75 млн рублёў, будрынкаў ва Уруччы - 9,4 млн рублёў.

Аўкцыён адбудзецца 6 лістапада а 12.00 (рэгістрацыя ўдзельнікаў з 11.30 да 12.00) па адрасе: вуліца Мележа, 1, офіс 1121.

Нагадаем, пасля канфлікту з крэдыторамі высветлілася, што Авяр'янаў асеў у Еўропе. Восенню 2017 года Следчы камітэт прыняў да вытворчасці крымінальную справу ў дачыненні да Юрыя Авяр'янава, а таксама шэрага кіраўнікоў камерцыйных структур у сувязі з ухіленнем ад выплаты падаткаў суб'ектамі гаспадарання. Пазней абвінавачванне ў дачыненні да Авяр’янава пашырылі яшчэ і за злоўжыванне службовымі паўнамоцтвамі.

Авяр'янаў быў абвешчаны ў міжнародны вышук, а год таму яго затрымалі ў Бэрліне. Менск дамагаецца экстрадыцыі бізнэсоўца на радзіму.

Шэсць топ-мэнэджараў кампаній Авяр’янава былі затрыманыя ў 2017 годзе. А зусім нядаўна ў Маскве затрымалі і дачку бізнэсоўца - яна таксама стала фігуранткай справы аб нявыплаце падаткаў.

Расследаванне СК завяршыў на пачатку 2019 года, шкоду ацанілі ў адзін мільён рублёў, яна была выплачаная. Кіраўнікоў кампаній, падкантрольных Авяр'янаву, чакае суд.