18 лiстапада 2019, панядзелак, 0:41
Дзень другі
Рубрыкі

Яшчэ аднаму расейскаму гурту не дазволілі выступіць у Менску

9
Яшчэ аднаму расейскаму гурту не дазволілі выступіць у Менску

Прычына - усё той жа «Нізкі мастацкі ўзровень».

Музыкі з омскага рэп-гурта «Грот» паведамілі пра тое, што ім не выдалі гастрольнае пасведчанне на правядзенне канцэрта ў Менску. Віной таму - усё той жа «Нізкі мастацкі ўзровень», піша tut.by.

Нагадаем, што ў 2017 годзе «Грот» ужо выступаў у менскім клубе «Бруге». Музыкі планавалі даць чарговы канцэрт у сталіцы. Але ўчора на старонцы гурта «Вконтакте» з'явіўся такі пост:

- Менск, сёлета мы, на вялікі жаль, да вас не прыедзем. І ў якім менавіта годзе ў нас цяпер атрымаецца сустрэцца - невядома. Услед за Украінай сёння мы атрымалі забарону на правядзенне канцэрту ў Беларусі. Афіцыйная прычына забароны: «Нізкі мастацкі ўзровень». Калі ў 2011-м мы з менчукамі скандавалі «перавыхаваны будзе ці н***й дэпартаваны», з мастацкім узроўнем усё было ў парадку, а цяпер мы са сваімі «кахаць, не прысвойваючы» і «дараваць, не запамінаючы» зусім упалі ў мастацкім узроўні? Пытанне рытарычнае. Не мець магчымасці прыехаць да сваіх слухачоў - максімальна непрыемнае пачуццё. Спадзяемся, што бюракратычнае памутненне калі-небудзь адступіць і нам з вамі дазволяць сустракацца і спяваць песні. Пакуль будзем трымаць сувязь праз навушнікі.