18-гадовы паляк заблукаў у лесе і выпадкова зайшоў у Беларусь

Яго знайшлі памежнікі.

8 кастрычніка ў Пружанскім раёне каля мяжы берасцейскія памежнікі затрымалі 18-гадовага паляка, паведамляе tut.by Дзяржпамежкамітэт.

Маладзён распавёў, што заблукаў падчас шпацыру па лесе і вельмі здзівіўся, даведаўшыся, што знаходзіцца ў Беларусі.

За парушэнне рэжыму мяжы яму вынеслі папярэджанне і ў той жа дзень перадалі польскаму боку.