У егіпецкім Шарм-эль-Шэйху загарэўся самалёт з Запарожжа
1- 10.11.2019, 12:25
- 12,833
Пажар пачаўся пасля прызямлення.
У Егіпце ў аэрапорце горада Шарм-эль-Шэйх 9 лістапада адбыўся пажар на адным з самалётаў украінскай авіякампаніі SkyUp. Пра гэта паведамляе прэс-служба Міністэрства грамадзянскай авіяцыі Егіпта на сваёй старонцы ў Facebook, паведамляе gordonua.com.
У самалёта рэйса PQ7153, які прыбыў з Запарожжа, загарэлася шасі.
У паведамленні гаворыцца, што пасля прызямлення адбылася выцечка алівы з гідраўлічнай сістэмы, у выніку чаго загарэлася адна з шынаў шасі.
SkyUp Boeing 737-800 (UR-SQH) on flight #PQ7153 taxied to its parking stand after landing runway 04 (L/R) at Sharm El Sheikh Intl Airport (HESH), Egypt when hydraulic fluid leaked onto hot brakes causing flames in the left maingear. The fire was exinguished quickly. pic.twitter.com/SpPM3E1kAZ
— JACDEC (@JacdecNew) November 9, 2019
"Пажар хутка ліквідавалі", – адзначылі ва ўстанове.
Былі прыняты ўсе захады для абароны цывільных асобаў, пацярпелых у выніку інцыдэнту няма.