Пуцін абвінавачваецца

Ён зрабіў расейцаў беднымі і прывёў у Гаагу.

Расея абвінавачваецца. Пуцін абвінавачваецца. Яго краіна, яго ўлады паўстануць перад судом ААН у Гаазе. Паводле абвінавачвання ў вайне супраць Украіны. Якая ганьба, піша тэлеграм-канал СерпомПо.

Але гэта ганьба, калі толькі паглядзець на пачатак новай Расеі - час светлых надзей, свабоды ад улады спецслужбаў. Цяпер жа, тое, што Расея будзе адказчыкам у Гаазе, для краіны - шараговая навіна.

І ўсё ж. Грамадзяне, якія падтрымлівалі Пуціна ці якім было ўсё роўна, цяпер, калі замаячыла перспектыва суда над Расеяй у Гаазе, могуць ацаніць, куды прывялі краіну нязменны лідар і яго кампанія.

Што вы атрымалі наўзамен захопу Крыма? Вайны ў Сірыі? Чым расплацілася з вамі ўлада чэкістаў? За знішчэнне свабод? За ўзбагачэнне сяброў і сям'і Пуціна?

Калі б вы, грамадзяне, атрымалі рост узроўню жыцця, якасную медыцыну, ліквідацыю набору ў войска, магчымасці прасоўвання для вашых дзяцей - была бы іншая размова.

Але вы ў дадатак да пратэрмінаванага «мачыць у сарціры» набылі зніжэнне ўзроўню жыцця, катастрофу ў медыцыне, татальнае бяспраўе, карупцыю з самых нізоў да самых вярхоў і, галоўнае - адсутнасць якой-небудзь перспектывы для вас і вашых дзяцей.

У краіны Пуціна няма будучыні. З ім і яго сістэмай у Расеі няма перспектывы.

Суд над Расеяй у Гаазе - гэта яшчэ не кропка, але ўжо клічнік. Сімвал дэградацыі - сесці на лаву падсудных у горадзе, дзе судзілі вайсковых злачынцаў.