Аксана Юшкевіч: Я адказала на пытанне «Што далей?»
1- 13.11.2019, 18:24
- 12,064
Сустрэнемся 15 лістапада на Кастрычніцкай плошчы а 18.00.
Кандыдатка ў дэпутаты ад «Еўрапейскай Беларусі» звярнулася да жыхароў сталіцы:
- Што далей?
Вы ўжо адказалі на гэта пытанне?
Я - так.
Калі мы будзем прадаўжаць сядзець склаўшы рукі і казаць «Мая хата з краю, нічога не ведаю», то будзе яшчэ горш. Не толькі нам. Нашым бацькам, дзецям, унукам і праўнукам.
Гэта дрэнны адказ. Няправільны.
Правільны адказ - думаць, развязваць, дзейнічаць.
Усім разам, дружна і мэтанакіравана.
Бараніць незалежнасць нашай Беларусі, абараняць свае правы, змагацца з беззаконнем і хлуснёй уладаў.
Не на кухнях, дзе нас ніхто не чуе, а на вуліцах і плошчах.
Што далей?
Кастрычніцкая плошча, 15 лістапада а 18.00 мы разам пагаворым пра тое, якое заўтра мы хочам бачыць.
#ЕўрапейскаяБеларусь #Пагоняпобач