Генеральны сакратар NATO стаў дыпламатам года паводле версіі Foreign Policy

Цырымонія ўручэння ўзнагароды адбылася ў Вашынгтоне.

Генеральны сакратар NATO Енс Столтэнберг атрымаў узнагароду «Дыпламат года» ад амерыканскага часопіса Foreign Policy.

Як паведамілі ў прэс-службе Альянса, цырымонія ўручэння адбылася ў Вашынгтоне 12 лістапада, піша «Европейская правда».

Прымаючы ўзнагароду ад галоўнага рэдактара выдання Джонатана Тэпермана, Столтэнберг казаў пра пазітыў «нястомнай трансатлантычнай дыпламатыі, падмацаванай надзейнай трансатлантычнай абаронай».

Столтэнберг назваў NATO «ўнікальным дыпламатычным мультыплікатарам сілы».

«Калі 29 краін кажуць аднагалосна, іх голас мацнейшы, чым чый-небудзь у свеце», - адзначыў генеральны сакратар Альянсу.