Андрэй Скабелка намінаваны на трэнера года ў Казахстане

Беларускі хакейны настаўнік можа стаць найлепшым у намінацыі «трэнер года ў зімовых відах спорту».

Беларускі спецыяліст Андрэй Скабелка прэтэндуе на званне трэнера 2019 года ў зімовых відах спорту ў Казахстане. Настаўнік "Барыса" і нацыянальнай зборнай Казахстана пакуль сярод лідараў у апытанні, апярэджваючы Алену Круглыхіну (фрыстайл-могул), Міхаіла Дудчанку (біятлон), Паўла Васільева (скачкі з трампліна) і Этэры Тутберыдзэ (фігурнае катанне), піша "Прэсбол".

Імёны лаўрэатаў будуць названыя 30 лістапада.

У 2019 годзе "Барыс" пад кіраўніцтвам Скабелкі перамог у дывізіёна Аркадзя Чарнышова паводле вынікаў рэгулярнага чэмпіянату КХЛ, а ў плэй-оф дайшоў да паўфіналу канферэнцыі, дзе саступіў "Авангарду" ў серыі да чатырох перамог (1:4). Зборная Казахстана не мела роўных на хатнім чэмпіянаце свету ў дывізіёне 1А ў Нур-Султане.