Фотафакт: У Гародні на запячатаным выбарчым участку ўночы перавярнуўся сцяг

Палтэргейст на ўчастку №11?

Назіральнікі кампаніі «Права выбару» заўважылі незвычайнае змяненне на выбарчым участку №11 Гарадзенскай-Цэнтральнай акругі №51. Дзяржаўны сцяг «перавярнуўся» за ноч у запячатаным памяшканні, паведамляе «Радыё Свабода».

Як сцвярджае назіральнік Сяргей Верамеенка, каардынатар Гарадзенскай кампаніі «Права выбару», 12 лістапада чырвона-зялёны сцяг на ўчастку вісеў дагары нагамі. Ён і назіральнік «Вясны» Ігар Дзьячкоў прысутнічалі пры апячатванні памяшкання ўвечары 12 лістапада, а пры адкрыцці раніцай 13-га прысутнічаў Дзьячкоў. І на раніцу 13 лістапада сцяг вісеў ужо «як трэба».