Перад гадавінай «жоўтых камізэлек» тысячы людзей зноў выйшлі на вуліцы Парыжа

Да руху наважылі далучыцца студэнты.

Тысячы людзей, якія працуюць у лякарнях, пратэставалі ў Парыжы супраць жорсткага бюджэту і недахопу работнікаў, заклікаючы ўрад скласці план для пераадолення надзвычайнай сітуацыі.

Пра гэта паведамляе «Еўрапейская праўда» са спасылкай на Euractiv.

Нядаўна службы хуткай дапамогі пачалі часткова страйкаваць, заявіўшы, што дзяржаўныя лякарні «паміраюць у Францыі».

Прэзідэнт Францыі Эмануэль Макрон абвясціў аб шырокім плане, напрыклад, выдзяленні сродкаў для выратавання сітуацыі. Яго дэталі павінен прадставіць на наступным тыдні прэм'ер-міністр Эдуар Філіп.

Сацыяльнае напружанне ў Францыі ўзмацняецца: студэнты наважылі далучыцца да руху «жоўтых камізэлек», каб пратэставаць праз высокі кошт жыцця і няроўнасці. Чакаецца, што ў суботу, 16 лістапада, у гадавіну нараджэння руху, адбудзецца вялікая акцыя пратэсту «жоўтых камізэлек».

У мінулыя выхадныя тысячы людзей выйшлі ў Парыжы на марш супраць ісламафобіі, што прыкметна падзяліла французскі палітычны клас.

Перад гэтым, у сярэдзіне кастрычніка, страйкавалі чыгуначнікі, ускладніўшы рух, напрыклад, у Парыжы.

15 кастрычніка шматтысячны пратэст французскіх пажарнікаў у Парыжы скончыўся сутыкненнямі з паліцыяй.

Пратэст пажарных адбыўся праз два тыдні пасля аналагічнага пратэсту паліцыянтаў на вуліцах Парыжа, які стаў найбуйнейшым за 20 гадоў.