Ліга нацый: Беларусь, хутчэй за ўсё, згуляе з Грузіяй

Косава страціла шанцы на наўпроставы тур на Еўра-2020.

Нацыянальная каманда Беларусі, хутчэй за ўсё, згуляе з камандай Грузіі ў паўфінале плэй-оф за тур у фінальны турнір чэмпіянату Еўропы-2020. У другім паўфінале сустрэнуцца нацыянальныя каманды Косава і Паўночнай Македоніі, паведамляе "Прессбол".

Праўда, пакуль македонцы захоўваюць тэарэтычныя шанцы прабіцца на EUR0'2020 праз класічны адбор. Але гэтыя шанцы прывідныя. На фінішы кваліфікацыі павінна сысціся занадта шмат фактараў на карысць балканскай каманды.

Да ўчорашняга вечара ў гульні заставаліся і касавары, але пасля выязной паразы ад чэхаў (1:2) яны ўжо не паднімуцца вышэй за трэцяе месца ў сваёй групе. Такім чынам, тур на ЧЕ-2020 можа дастацца касаварам толькі праз плэй-оф.